ليه الحب بيعاندنا؟
ليه لما بنتخيل اننا اخيرا وجدنا الحب الحقيقي
حب العمر كله
واننا هانعيش في سعاده ابديه
واننا اخيرا اصبح لنا مكان في جنه العشاق والمحبين
بنفاجأ بالوهم بالسراب
يمكن موش بيعاند؟
طيب بلاش عند
ليه بيجي في اوقات غير مناسبه
ولناس غير مناسبين
*يا بنحبهم وموش حاسين بينا ولا واخدين بالهم من تلميحاتنا
ونفضل على دا الحال لغايه ما في يوم بيفاجئونا بمفاجأت لطيفه من نوعيه.....
انا ارتبطت ....انا خطبت او هاتخطب.....عقبالك
-وطبعا دي طعنه نجلاء في صميم القلب عدل-
*يا بيحبونا وهما موش مناسبين لينا وموش عارفين نقول لهم ازاي بأسلوب مافيهوش جرح لأحاسيسهم
ليه لما نكون في أمس الحاجه للحب
بيتهرب مننا وبيتلكع ومايجيش
وليه لما بنهرب منو
عشان خايفين لا نعيش في الوهم تاني
خايفين لا نتعلق يناس ويسيبونا
يا بأرادتهم الحره
يا غصب عنهم - وانا هنا اقصد الاسباب القدريه زي الوفاه مثلا وده طبعا فيه الم رهيب لقلوبنا -
نلاقيه بيطاردنا بشغف
وكأنه حالف لا يورطنا تاني في شباكه
ويسيبنا نغرق
ناس كتير جدا ممكن لما يقرو الموضوع دا
يقولو ايه التفاهه دي ونتناقش في حاجات اهم
بس هو الحب دا تفاهه؟؟
هو الحب موش مهم؟
من رأيي ان الحب دا مهم جدا لكل كائن حي
وان سبب رئيسي من اسباب مشاكل حياتنا هو الحب
يا عايزين نحب اللي بيحبونا
يا عايزين اللي بنحبهم يحبونا
يا عايزين نحب نفسنا اصلا عشان نعرف نحب اللي حوالينا
مفيش مخلوق في الدنيا يقدر يستغنى عن الحب
الحب دا بيخلينا نشوف الدنيا من منظور مختلف
بيخلينا ناخد بالنا من تفاصيل موش كانت بتورد على بالنا اصلا
بيخلينا نقبل على الحياه بحماس ورغبه في العطاء وبحب
بكل الحب
وبعدين لو في واحد بس يوحد ربنا يقدر يعيش من غير حب ومتخيل انو سعيد
فا ده بيخدع نفسه قبل ما يكون بيخدع اللي حوله
وسعادته دي سعاده زائفه
هايحس بيها لما يلاقي نفسو وحيد تعيس
بلا حب
ياترى رأيكم من رأيي
ولا ليكم اراء تانيه؟؟
السبت أبريل 14, 2007 7:44 pm